O sendeirismo constitúe unha simbiose entre deporte, cultura e medio ambiente e o Concello de Fornelos de Montes é un lugar privilexiado para a súa práctica, con rutas para todas as idades e condicións físicas. Dende a espectacularidade da Serra do Suido, ata os tranquilos senderios entre ríos, regatos e fragas.
O sendeirismo busca achegar ás persoas ao medio natural e ao coñecemento da zona a través do patrimonio e os elementos etnográficos e culturais, utilizando preferentemente o sistema tradicional de vías de comunicación, tales como cañadas reais, camiños veciñais, sendas e carreiros.
Invitámolo a disfrutar da nosa paisaxe e do noso patrimonio, e só lle pedimos que sexa respetuoso co medio, e non deixe pegada do seu paso.
PRG-164
Senda da fraga do Barragán.
Aínda que o sendeiro conta con varias posibilidades de acceder a el, nesta ocasión eliximos o torreiro de Xunqueiras como comezo e remate da andaina. Este lugar é o máis axeitado pola facilidade para acceder a el, e polo amplo aparcadoiro co que conta.
http://www.sendadobarragan.com/