A.E.D.L

O Concello de Fornelos de Montes ten contratado o servizo dun Axente de emprego e Desenvolvemento Local (AEDL).

O Axente de Emprego e Desenvolvemento Local (A.E.D.L ) é un servizo situado na Casa do Concello de Fornelos de Montes, ten como misión principal colaborar na implantación das políticas activas de emprego relacionadas coa creación da actividade empresarial.

O A.E.D.L  é unha iniciativa pública municipal en colaboración coa Xunta de Galicia e o Fondo Social Europeo creada co obxectivo de facilitar o desenvolvemento do contorno socioeconómico e a creación de emprego.

O obxectivo xeral do Axente de Emprego e Desenvolvemento Local é fomentar a actividade económica e social no concello, coa finalidade de xerar crecemento económico e desenvolvemento social.

O seu ámbito de actuación é municipal, dependendo orgánica e funcionalmente do propio Concello; carece de personalidade xurídica propia e está configurada como un servicio municipal, un instrumento máis de xestión.

Os beneficiarios inmediatos son os novos emprendedores, empresarios, comerciantes, traballadores, desempregados en xeral e aqueles que pretendan poñer en marcha ou ampliar calquera tipo de iniciativa empresarial.

 SERVIZO AEDL

1. Promoción económica e fomento do emprego
• Tramitación de subvencións das distintas Consellerías

– Promoción de emprego autónomo
– Fomento do emprego en cooperativas e sociedades laborais
– Axudas a mulleres emprendedoras
– Iniciativas locais de emprego
– Iniciativas de emprego rural.
– Iniciativas de emprego de base tecnolóxica.

2. Programas e iniciativas europeas

• LEADER 2014-2020

3. Orientación laboral

– Elaboración de curriculums
– Portais de emprego
– Técnicas de busca de emprego

4. Promoción da formación

– Programación e execución de cursos
– Cursos de formación dirixidos a traballadores desempregados
– Obradoiros de emprego.